Goa Drugs Case गोव्यात सध्या ड्रग्ज, गांजा यांची विक्री करण्याच्या घटना घडत असून गोवा पोलीस आणि अबकारी विभाग याबाबत सतर्क झाला आहे, पोलिसांच्या सतर्कतेमुळे रोज नवनवीन घटना उघडकीस येत आहेत. नुकतेच एका प्रकरण समोर येतेय. फोंडा येथे अंमली पदार्थांवर छापा टाकून एकाला अटक केल्याची घटना घडली आहे.

याप्रकरणी मोहम्मद मुस्ताक रा. मोहम्मद इनामूल, (वय-53 वर्षे, रा. सिद्धेश्वर नगर, तिस्क, उसगाव) याला रंगेहात पकडले. त्याच्याकडून 2.002 किलोग्रॅम वजनाचा "गांजा" (किंमत रु. 2,00,000/-). पोलिसांनी जप्त केला असून या प्रकरणाचा पुढील तपास DYSP क्राईम यांच्या देखरेखीखाली पीएसआय गिरीश पाडलोस्कर हे करत आहेत.

गेल्या काही महिन्यांपासून राज्यात गांजा या अंमली पदार्थाची मोठ्या प्रमाणात विक्री होत असल्याचे पोलिसांनी नोंद केलेल्या गुन्ह्यांवरून आढळून येत आहे. पोलिसांच्या सतर्कतेमुळे अनेक गुन्हेगारी घटनांचा उलगडा होत आहेत.