राज्यात गुन्हेगारीच्या घटनांमध्ये दिवसेंदिवस वाढ होतेय. गोवा पोलीस आणि प्रशासन कायदा आणि सुव्यवस्था राखण्यासाठी प्रयत्न करत आहेच, तरीही गुन्हेगारी प्रवृत्ती वाढताना दिसतेय. साधारणतः 8-10 दिवसांपूर्वी म्हापश्यात एका शिक्षकाने विद्यार्थिनीचा विनयभंग केल्याची घटना घडली होती.

संबंधित शाळेच्या व्यवस्थापनानेच या शिक्षकाबाबत पोलिसांत तक्रार दिल्यानंतर त्या शिक्षकाला पोलिसांनी अटक केली होती. त्यानंतर त्याच्याविरोधात पॉस्को तसेच बाल कायद्यांअंतर्गत गुन्हा नोंदही करण्यात आला होता.

या घटनेनंतर पुन्हा एकदा म्हापसा येथे अशीच एक घटना घडली आहे. एका 12 वर्षीय मुलीचा विनयभंग प्रकरणी एका संशयिताला पोलिसांनी अटक केल्याची प्राथमिक माहिती प्राप्त झाली आहे. सदर संशयित युवक हा 22 वर्षाचा असून मुलीचा विनयभंग प्रकरणी पोलिसांनी त्याला ताब्यात घेतलंय. अशा घटना वारंवार घडत राहिल्यास राज्यातील महिला सुरक्षित आहेत का? हा प्रश्न या निमित्ताने पुढे येतोय