पेडणे : सकयलोवाडो- हरमल येथे आज पेडणे पोलिसांनी दीड लाखाचा अमलीपदार्थ जप्‍त केला. याप्रकरणी पोलिसांनी मयलापोर चेन्नई येथील सिवकुमारन वेदाचलम सुंदरमुर्ती (वय 43) या संशयिताकडून 1 लाख 50 हजार रुपयांचा मारीजुआना हा अमलीपदार्थ जप्त केला व संशयिताला अटक केली.

पोलिस निरीक्षक जीवबा दळवी, उपनिरीक्षक प्रफुल्ल गिरी, कॉस्टेबल खांडेपारकर, विनोद पेडणेकर,अर्जुन कळंगुटकर यांनी सापळा रचून संशयित रिसॉर्टमध्‍ये राहत असलेल्‍या खोलीची तपासणी केली असता मारीजुआना हा 1 किलो 5 ग्रॅम अमलीपदार्थ सापडला. निरीक्षक जीवबा दळवी यांच्या मार्गदर्शनाखाली पुढील तपास सुरू आहे.