Accident At Suktali Mollem Highway Goa: धारबांदोडा तालुक्यातील सुकतळी मोले येथे राष्ट्रीय महामार्गावर ट्रक व टेम्पो यांच्यात अपघात झाला. सुदैवाने या अपघातात जीवितहानी झालेली नाही. तथापि, टेम्पो चालक जखमी झाला आहे. त्याला उपचारासाठी जवळच्या रूग्णालयात दाखल करण्यात आले आहे.

या महामार्गावर कर्नाटकचा ट्रक (KA 63 2212) रस्त्यावर लेनमध्ये थांबला होता. पाठीमागून भरधाव येत असलेल्या टेम्पोचालकाला याचा अंदाज आला नाही. टेम्पो (GA 06 T 3142) भरधाव असल्याने चालकाला नियंत्रण राखणे जमले नाही आणि वेगाने हा टेम्पो पाठीमागून ट्रकवर आदळला.

यात टेम्पोच्या पुढील बाजूचे पूर्ण नुकसान झाले आहे. सुदैवाने चालकाला गंभीर दुखापत झालेली नाही. तथापि, त्याच्यावर जवळच्या रूग्णालयात उपचार केले जात असल्याची माहिती आहे. दरम्यान, अपघाताची माहिती मिळताच पोलिस घटनास्थळी दाखल झाले. कुळे पोलिसांत या अपघाताची नोंद झाली आहे. पोलिसांनी या अपघाताचा पंचनामा केला आहे.