International Mother Language Day : कोकणी भाषा मंडळातर्फे यंदा जागतिक मातृभाषा दिनानिमित्त ‘भास-संवाद’ कार्यक्रम आयोजित करण्यात आला आहे. मंडळ नामवंत लेखकांसोबत तरुण आणि अभ्यासक यांच्यातील विशेष संवाद घडवून आणणार आहे.

दरवर्षी हा कार्यक्रम 21 फेब्रुवारी रोजी जागतिक मातृभाषा दिनी आयोजित केला जाणार आहे. यंदा या कार्यक्रमाला ज्ञानपीठ पुरस्कार प्राप्त दामोदर मावजो आणि सरस्वती पुरस्कार प्राप्त महाबळेश्वर सैल सोबत संवाद आयोजित केला आहे.

हा कार्यक्रम मंगळवारी सकाळी 9.30 वाजता कॉन्फरन्स हॉल, रवींद्र भवन, मडगाव येथे होणार आहे. यावेळी उपस्थितांना नामवंत साहित्यिकांना प्रश्न विचारण्याची संधी मिळणार आहे.

समारंभात गुणवंत विद्यार्थ्यांनाही गौरविण्यात येणार आहे. या उपक्रमाचा लाभ घ्यावा, असे आवाहन मंडळाचे अध्यक्ष अन्वेषा सिंगबाळ यांनी केले आहे.