Old Goa: जुने गोवे येथे धर्मांतराचा प्रकार उघडकीस आला असून दोन महिलांच्या विरोधात गुन्हा नोंद करण्यात आला आहे. ताळगाव येथील जी.ए. फर्नांडिस आणि सोमंग अशी संशयितांची नावे आहेत. चंदन गुप्ता (चिंबल) यांच्या तक्रारीवरून भादंसंच्या कलम २९५ (अ), २९८ अंतर्गत गुन्हा नोंद करण्यात आला आहे.

प्रकरणाचा तपास उपनिरीक्षक कीर्तिदास गावडे करत आहेत. हा प्रकार सोमवारी (ता.६) रात्री घडला. तेव्हा चंदन गुप्ता यांच्या तक्रारीवरून जुने गोवे पोलिसांनी कारवाई केली. तेव्हा त्यांना संशयित फर्नांडिस घटनास्थळी सापडली. फर्नांडिस हिने आपली आणखी एक सहकारी असल्याची माहिती पोलिसांना दिली आहे.

पोलिसांनी कलम ४१ अंतर्गत चौकशीसाठी हजर राहण्याची नोटीस संशयित महिलांना बजावली आहे.

घटनेची माहिती मिळाल्यानंतर, काही हिंदू संघटना जुने गोवे पोलिस ठाण्यावर आल्या. उत्तर प्रदेश येथील एका कुटुंबाला बिलिव्हर्स फिरून धर्मांतर करत असल्याचा दावा त्यांनी केला. तसेच हिंदू हिताचे रक्षण करणार असल्याचे त्यांनी स्पष्ट केले.