Goa Police News: जुने गोवा पोलिसांनी घर फोडीत सहभागी असणाऱ्या एका चोरट्यास पाठलाग करून पकडले. सुमीर सकपाल शर्मा असे या संशयित आरोपीचे नाव आहे. काही गुन्ह्यांमध्ये तो पोलिसांना हवा होता. तो मूळचा पंजाबचा रहिवासी आहे.

शर्मा याला यापुर्वीही ओल्ड गोवा आणि इतर ठिकाणी झालेल्या चोरीच्या घटनांसाठी पोलिसांनी अटक केली होती.

त्याला पूर्वी जुने गोवा आणि गोव्यातील इतर भागांमध्ये मोठ्या चोऱ्यांमध्ये सहभागी असल्यावरून पोलिसांनी अटक केली होती. धाडसी घरफोड्यांमध्ये त्याचा सहभाग होता. पोलिस त्याच्या मागावर होते. तो या भागात आल्याची माहिती पोलिसांना मिळाली होती.

त्यानंतर पोलिसांनी विशेष पथक तैनात करून त्याच्या हालचालींवर बारकाईने लक्ष ठेवले होते. 28 जुलै रोजी तो ओल्ड गोवा परिसरात आला. त्याच्याकडे घर फोडीचे साहित्यही आढळून आले. पोलिसांनी दुचाकीवरून पाठलाग करून त्याला पकडले. म्हापसा आणि इतर चोरींप्रकरणी त्याच्याकडे चौकशी केली जात आहे.