OLA CEO Goa Case Dainik Gomantak
गोवा

OLA CEO Goa Case: ‘ओला’चे सीईओ भाविश अग्रवालना दिलासा! गोवा खंडपीठाक़डून ‘वॉरंट’ला स्थगिती; पुढील सुनावणी 6 मार्च रोजी

OLA CEO Bhavish Agrawal: ओला इलेक्ट्रिक टेक्नॉलॉजीज आणि कंपनीचे मुख्य कार्यकारी अधिकारी भाविश अग्रवाल यांना मुंबई उच्च न्यायालयाच्या गोवा खंडपीठाने मोठा दिलासा दिला आहे.

गोमन्तक डिजिटल टीम

पणजी: ओला इलेक्ट्रिक टेक्नॉलॉजीज आणि कंपनीचे मुख्य कार्यकारी अधिकारी भाविश अग्रवाल यांना मुंबई उच्च न्यायालयाच्या गोवा खंडपीठाने मोठा दिलासा दिला आहे. दक्षिण गोवा जिल्हा ग्राहक तक्रार निवारण आयोगाने अग्रवाल यांच्याविरोधात बजावलेल्या वॉरंटच्या अंमलबजावणीला उच्च न्यायालयाने स्थगिती दिली आहे.

एका ग्राहक तक्रारीच्या सुनावणीदरम्यान दक्षिण गोवा जिल्हा ग्राहक आयोगाने ४ फेब्रुवारी रोजी भाविश अग्रवाल यांच्या नावे वॉरंट जारी केले होते. अग्रवाल यांनी आयोगासमोर प्रत्यक्ष हजर राहावे, असे निर्देश या वॉरंटद्वारे देण्यात आले होते. न्यायमूर्ती वाल्मिकी मेनेझिस यांच्यासमोर या याचिकेवर तातडीने सुनावणी झाली.

याचिकाकर्त्यांच्या वतीने ज्येष्ठ वकील नितीन सरदेसाई आणि वकील रौनक राव यांनी बाजू मांडली. त्यांनी असा युक्तिवाद केला की, ग्राहक आयोगाने आपल्या अधिकारक्षेत्राबाहेर जाऊन हे वॉरंट जारी केले आहे.

न्यायालयाने ग्राहक संरक्षण कायद्याच्या तरतुदींचे परीक्षण करताना असे निरीक्षण नोंदवले की, ग्राहक आयोगाला नुकसानभरपाईच्या आदेशांची अंमलबजावणी करताना (कलम ७१ अंतर्गत) वॉरंट जारी करण्याचे अधिकार आहेत.

मात्र, तक्रार प्रलंबित असताना सुनावणीदरम्यान कोणत्याही पक्षाला हजर राहण्यासाठी असे वॉरंट बजावण्याचे अधिकार आयोगाला नाहीत. उच्च न्यायालयाने या प्रकरणी प्रतिवाद्यांना नोटीस बजावली असून, प्रकरणाची पुढील सुनावणी ६ मार्च रोजी निश्चित केली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT