गांजा बाळगल्याप्रकरणी ओडिसातील तरूणाला अटक करण्यात आली आहे. सायमन माळी (वय 23, रा. ओडिसा) असे या अटक तरूणाचे नाव आहे. सायमनजवळ तीन लाख 10 हजार रूपये किंमतीचा 3.10 किलो गांजा आढळून आला आहे. अंजुना अर्पोरा येथे आज (दि.12) ही कारवाई केली. पोलिसांनी मुद्देमालासह आरोपीला ताब्यात घेतले असून, पुढील तपास सुरू आहे.

डिचोलीतील सातेरी मंदीर चोरट्यांनी फोडले

सर्वण-डिचोली येथील श्री सातेरी देवीचे मंदिर फोडून सुवर्णालंकारासह दोन लाखांहून अधिक रुपयांचा ऐवज लंपास केला आहे. गुरूवारी (दि.11) रात्री ही घटना घडली आहे. चोरट्यांनी देवीच्या अंगावरील मंगळसूत्र, नथ अशा सुवर्णालंकारासह समया आदी वस्तू लंपास केल्या आहेत.

तूरडाळ व साखर प्रकरणात नागरी पुरवठा संचालक निलंबित

गोव्यात 241 टन तूरडाळ सडल्याच्या घटनेनंतर राज्यात 10.3 मेट्रिक टन साखरही खराब झाल्याची घटना समोर आली होती. याप्रकरणी एका नागरी पुरवठाचे संचालकावर निलंबनाची कारवाई करण्यात आली आहे. या प्रकरणात तत्कालीन संचालक सिद्धीविनायक नाईक यांच्यावर ही निलंबनाची कारवाई करण्यात आली आहे.