Margao Police arrested Odisha youth for drugs smuggling : गोव्यात अमली पदार्थांची तस्करी करणाऱ्या एका परप्रांतीय युवकास मडगाव पोलिसांनी अटक केली आहे. बुल्लू जांबिर मांझी (वय 25 वर्षे) असे संशयिताचे नाव आहे. तो मूळचा ओडिशातील आहे.

सध्या तो बेरोजगार आहे. गुरूवारी 8 जून रोजी मडगाव रेल्वे स्टेशन परिसरात संशयास्पदरित्या वावरताना त्याला पोलिसांनी ताब्यात घेतले.

याबाबत माहिती देताना मडगाव पोलिस ठाण्याचे पोलिस निरीक्षक तुलसीदास नाईक म्हणाले, मांझी याच्याकडे साडे तीन किलो गांजासदृश्य अमली पदार्थ सापडला आहे. त्याची आंतरराष्ट्रीय बाजारातील किंमत साडे तीन लाख रूपये इतकी आहे.

त्याला कोर्टात सादर केले असता कोर्टाने त्याला पोलिस कोठडी सुनावली आहे. सध्या त्याचाकडे चौकशी केली जात आहे.