Pay Parking: फोंडा पालिकेच्या शहर भागात पे पार्किंग सुरू करण्याचा निर्णय पालिकेच्या बैठकीत झाला. शहरातील बेशिस्त पार्किंगला त्यामुळे आळा बसेल, असे मत पालिकेतर्फे व्यक्त करण्यात आले असून दुचाकींना प्रती तास पाच तर चारचाकींना प्रती तास दहा रुपये दर निर्धारित केले आहेत.

पार्किंगबरोबरच इतर अनेक विषयही चर्चेला आले. इंदिरा मार्केट संकुलातील दुकानांचा फेरलिलाव करण्याचा ठरावही घेण्यात आला.

मंगळवारी झालेल्या या बैठकीच्या अध्यक्षस्थानी नगराध्यक्ष रितेश नाईक तसेच इतर नगरसेवक व पालिका मुख्याधिकारी आणि अन्य अधिकारी उपस्थित होते.

फोंडा शहरात वाढलेल्या इमारती, अपुरी जागा, त्यातच मोठ्या प्रमाणातील वाहनांची संख्या यामुळे शहर परिसरात वाहतूक कोंडी होत आहे.

प्रकारामुळे या समस्येवर तोडग्यासाठी पालिकेच्या शहर भागाची पाहणी करण्यात आली.

बेशिस्तपणावर ‘पे पार्किंग’चा तोडगा!

फोंडा शहर परिसरातील बेशिस्त पार्किंगची समस्‍या दूर करण्यासाठी पालिकेने ‘पे पार्किंग’ची योजना पुढे केली आहे. सकाळी वाहने जागा मिळेल तेथे पार्क केली जातात. बेशिस्त पार्किंग रोखण्यासाठी पे पार्किंगला चालना दिल्याचे नगराध्यक्ष रितेश नाईक यांनी सांगितले.