"प्रत्येकाला सरकारी नोकरी देणे शक्य नाही. त्यामुळे युवकांनी स्वतःचा व्यवसाय सुरू करावा. त्यासाठी त्यांना खादी महामंडळातर्फे विविध योजनांमार्फत अनुदान दिले जात आहे." असे कुठ्ठाळीचे आमदार व खादी ग्रामोद्योग महामंडळाचे अध्यक्ष अंतोनियो वाझ (MLA Antonio Vas) म्हणाले.

खादी महामंडळातर्फे कुठ्ठाळी मतदारसंघातील नागरिकांमध्ये खादी महामंडळाच्या विविध योजनासंबंधी जागृती निर्माण करण्यासाठी आयोजित कार्यक्रमात ते बोलत होते.

खादी महामंडळाच्या विविध योजनांचा लाभ घेऊन स्वयंरोजगार सुरू करून आत्मनिर्भर व्हा, असे आवाहन कुठ्ठाळीचे आमदार व खादी ग्रामोद्योग महामंडळाचे अध्यक्ष अंतोनियो वाझ यांनी केले.

याप्रसंगी कुठ्ठाळीच्या सरपंच सेनिया परेरा, खादी महामंडळाचे सदस्य रोकोझिन डिसोझा, एस. मोरजकर, एल. व्ही. पानवेलकर, विजयानंद नाईक, राज नाईक, जिल्हा पंचायत सदस्य मर्सिलिना वाझ, केळशीचे सरपंच एपेक्स फिगरेदो व इतर मान्यवर उपस्थित होते.

दरम्यान, वाझ यांनी हा कार्यक्रम आयोजित करण्यामागील हेतू स्पष्ट केला. "खादी महामंडळाच्या खूप योजना आहेत. त्यासंबंधी कोणालाही कोणती माहिती हवी असल्यास त्यांनी महामंडळाच्या अधिकारी वर्ग किंवा आपल्या कार्यालयाशी संपर्क साधावा असे आवाहन त्यांनी केले. मोरजकर यांनी खादी ग्रामोद्योग महामंडळाच्या विविध योजनांची माहिती दिली. या योजनांतर्गत अनुदान मिळवून तुम्ही स्वतःचा व्यवसाय सुरू करून आत्मनिर्भर होऊ शकता." असे त्यांनी सांगितले.