पणजी: हणजूण क्षेत्रात २१ डिसेंबर २०२४ ते १ जानेवारी २०२५ या काळात रात्री उशिरापर्यंत कर्कश आवाजाने व वेळेचे बंधन न ठेवता ५२ आस्थापने सुरू होती, त्यापैकी सुमारे २१ जणांनी पूर्ण उल्लंघन केले आहे. त्यामुळे यासंदर्भातची माहिती गोवा राज्य प्रदूषण नियंत्रण मंडळ तसेच हणजूण पोलिसांनी केलेल्या कारवाईची माहिती सादर करण्याचे निर्देश मुंबई उच्च न्यायालयाच्या गोवा खंडपीठाने द्यावेत यासंदर्भातचा अर्ज याचिकादार डेस्मंड आल्वारिस यांनी बुधवारी अवमान याचिकेत सादर केला. त्यामुळे यावरील सुनावणी येत्या २७ जानेवारीला ठेवण्यात आली आहे.
हणजूण येथे नाताळ काळात २१ डिसेंबर २०२४ ते १ जानेवारी २०२५ पर्यंत उल्लंघन केलेल्या काही हॉटेल्स, पब्स व रेस्टॉरंट्सची (Restaurants) २१ नावे याचिकादाराने खंडपीठासमोर सादर केली आहे. हणजूण पोलिस स्थानकाला १६ डिसेंबर २०२४ ते ५ जानेवारी २०२५ या काळात फोन करून नोंदवलेल्या तक्रारींची माहिती सादर केली. यापैकी काही ५ ते ६ आस्थापनांविरुद्ध हणजूण पोलिसांनी कारवाई केली आहे.
आस्थापनांच्या सीसी टीव्ही कॅमेराची फूटेजीस मागवून घेऊन रात्री १० वाजल्यानंतर कोणी उल्लंघन केले आहे व त्याविरुद्ध काय कारवाई केली, याची माहिती देण्याचे निर्देश द्यावेत. पंचायतीने पाठवलेल्या पत्रासंदर्भात संबंधित यंत्रणांना अहवाल सादर करण्यास लावावे, अशी विनंती या अर्जात याचिकादाराने केली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.