नुवे: नुवे रुमडेर बायपास येथे ट्रॅफिक सिग्नल्सच नाही. परिणामी पादचारी व वाहनधारकांच्या जीवाला धोका निर्माण झाला आहे. याबाबत अनेक लोकांनी चिंता व्यक्त केली आहे. स्थानिक प्रशासनाने तात्काळ येथ ट्रॅफिक सिग्नल्स बसवावा, अशी लोकांची मागणी आहे.

सहा लेन हायवेच्या दोन्ही बाजूने येणाऱ्या वाहनांना प्रचंड वेग असतो. क्रॉसिंगसाठी 'झेब्रा क्रॉसिंग' आहे. मात्र वाहनचालक त्याकडे दुर्लक्ष करतात. यामुळे रस्ता (Road) ओलांडताना लोकांना भीती वाटते. परिणामी, झेब्रा क्रॉसिंग वापरणाऱ्या कोणालाही पलीकडे जाण्यासाठी काँक्रीट दुभाजकावर चढून जाण्याचा अतिरिक्त त्रास सहन करावा लागतो.

बायपास वर मोठा अपघात झाल्यावरच सरकार जागे होणार आहे का? असा सवाल लोक विचारात आहेत. वाहतूक पोलिसांनी (Traffic Police) सक्रिय होऊन लोकांची समस्या सोडवावी, अशी लोकांची मागणी आहे.