Dabolim airport  Dainik Gomantak
गोवा

Goa Assembly: ‘दाबोळी’च्या पंखांमध्ये भरणार बळ; मुख्यमंत्री सावंत

Pramod Sawant On Dabolim Airport: युजर शुल्क कमी करण्यासाठी तसेच ‘व्हिसा ऑन अरायव्हल’साठी केंद्राकडे प्रयत्न

गोमन्तक डिजिटल टीम

पणजी: मोपा व दाबोळी या दोन्ही विमानतळांवरून होणाऱ्या एकूण हवाई वाहतूकपैकी ५७ टक्के वाहतूक दाबोळीवरून होत आहे. दाबोळी विमानतळ बंद होणार नाही व तो बंद करण्याचा सरकारचा अजिबात हेतू नाही. या विमानतळावर अधिक पार्किंग सुविधा, लँडिंग, युजर शुल्क कमी करण्यासाठी तसेच ‘व्हिसा ऑन अरायव्हल’साठी केंद्राकडे प्रयत्न करणार असल्याची माहिती मुख्यमंत्री डॉ. प्रमोद सावंत यांनी आज लक्षवेधी सूचनेवरील उत्तरामध्ये दिली.

दाबोळी विमानतळाच्या भवितव्यासंदर्भातील लक्षवेधी सूचना विरोधी पक्षनेते युरी आलेमाव, आमदार एल्टन डिकॉस्ता, व्हेंझी व्हिएगस, क्रुझ सिल्वा, कार्लुस फेरेरा, विजय सरदेसाई, वीरेश बोरकर यांनी मांडली होती.

यावेळी मुख्यमंत्री डॉ. सावंत म्हणाले की, दाबोळी विमानतळावर यावर्षी मे २०२४ पर्यंत देशी १६,७८९ विमानांमधून २७,०५,६०७ प्रवासी आले आहेत, तर १,१५३ आंतरराष्ट्रीय विमानांमधून १,९१,००९ प्रवासी आले आहेत.

मोपा येथील मनोहर आंतरराष्‍ट्रीय विमानतळावर यावर्षी मे २०१४ पर्यंत देशी ६५६९ विमानांमधून २०,२८,९१७ प्रवासी आले तर १५५ आंतरराष्ट्रीय विमानातून ४७,३०६ प्रवासी आले आहेत.

‘दाबोळी’वर ग्रेड सेपरेटर

दाबोळी विमानतळाचा विस्तार पुढील १० वर्षांत करण्यासाठी नौदलाच्या ताब्यात असलेली ८.३ एकर जागा ताब्यात घेण्यात येणार आहे. या विमानतळाच्या ठिकाणी ग्रेड सेपरेटरची सुविधा उपलब्ध केली जाणार आहे, असे मुख्यमंत्री डॉ. प्रमोद सावंत यांनी सांगितले.

पर्यटनासाठी मोठी संधी

यावर्षी मे २०२४ पर्यंत राज्यात ४७,३४,५२४ देशी प्रवासी दाबोळी व मोपा विमानतळावरून तर २,३८,३१५ विदेशी प्रवासी दाबोळी व मोपा विमानतळावर उतरले आहेत. गोवा हे आंतरराष्ट्रीय पर्यटन स्‍थळ असल्याने येथे पर्यटनाला मोठी संधी आहे. त्यामुळे दाबोळी विमानतळालाही मोपा आंतरराष्ट्रीय विमानतळाइतकेच महत्त्व आहे, असे मुख्यमंत्री म्हणाले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Vijay Deverakonda Accident: मोठी दुर्घटना टळली! विजय देवरकोंडाचा कार अपघात, अज्ञात वाहनाने मागून दिली जोरदार धडक VIDEO

IND vs WI: दुसऱ्या कसोटीत जडेजा रचणार इतिहास! कपिल देवच्या 'खास क्लब'मध्ये एंट्रीची नामी संधी; कराव्या लागणार फक्त 'इतक्या' धावा

Viral Video: शाळेला दांडी मारुन रस्त्यावर 'आशिकी'! दोन मुलींसोबत रोमान्स करणाऱ्या पठ्ठ्याचा व्हिडिओ व्हायरल; नेटकरी म्हणाले, 'अशा सडकछाप आशिकांनीच...'

Coldrif Cough Syrup Bans: मुलांचा बळी घेणाऱ्या 'त्या' जीवघेण्या कफ सिरपवर गोव्यात बंदी, 'FDA'कडून आदेश जारी

IND vs PAK मॅचमधील 'या' घटनेनंतर पाकिस्तानी खेळाडू अडचणीत, ICC च्या नियमांचं उल्लंघन करणं पडलं भारी; काय घडलं नेमकं?

SCROLL FOR NEXT