पणजी: केंद्रीय शिक्षण मंत्रालयाच्या राष्ट्रीय संस्थात्मक रैंकिंग फ्रेमवर्क २०२५ मध्ये गोव्यातील नऊ शैक्षणिक संस्थांना स्थान मिळाले आहे; परंतु पहिल्या २०० मध्ये एकही स्थान नाही. आयआयटी मद्रासने यादीत अव्वल स्थान पटकावले आणि त्यानंतर आयआयएससी बंगळुरूचा क्रमांक लागतो.

गोवा इन्स्टिट्यूट ऑफ मॅनेजमेंटने ५५.२७ गुणांसह देशातील टॉप १०० व्यवस्थापन संस्थांमध्ये ४३ वा क्रमांक मिळवला, ज्यामुळे कोणत्याही श्रेणीतील टॉप ५० मध्ये ती एकमेव गोव्याची संस्था बनली. सर्वोत्तम राज्य विद्यापीठ श्रेणीत गोवा विद्यापीठाने ५१-१०० बँडमध्ये स्थान मिळवले.

गोवा कॉलेज ऑफ फार्मसीने टॉप १०० फार्मसी कॉलेजमध्ये आपली उपस्थिती कायम ठेवली, ४२.७० गुणांसह ८९ व्या क्रमांकावर आहे. अभियांत्रिकी श्रेणीत, एनआयटी गोवा आणि आयआयटी गोवा (फर्मागुडी) १०१-१५० रैंकिंग बँडमध्ये स्थान मिळवले.

धेपे कॉलेज ऑफ आर्ट्स अँड सायन्सने १५१-२०० बँडमध्ये स्थान मिळवले; तर पीईएस कॉलेज (फोंडा), पार्वतीबाई चौगुले कॉलेज (स्वायत्त), मडगाव आणि सेंट झेवियर्स कॉलेज, म्हापसा यांना २०१-३०० रैंक बँडमध्ये स्थान मिळाले आहे.