डिचोली : धुमासे कोमुनिदादची सर्वसाधारण सभा होऊन कोमुनिदादच्या अध्यक्षपदी न्हानू नाईक यांची निवड करण्यात आली आहे. डिचोली तालुक्यातील अन्य कोमुनिदादच्या निवडणुका पार पडल्या असतानाच काही तांत्रिक मुद्यावरून धुमासे कोमुनिदादची निवडणूक प्रक्रिया पुढे ढकलण्यात आली होती.

निवडणूक घेण्यासाठी रविवारी धुमासे कोमुनिदादची सर्वसाधारण सभा घेण्यात आली. या सभेला निवडणूक अधिकारी म्हणून शिरगावचे तलाठी उपस्थित होते. त्यांना कोमुनिदादच्या प्रतिनिधी मनुजा परब यांनी सहकार्य केले. या सभेत 2022 ते 25 या कालावधीसाठी कोमुनिदाद मंडळ निवडण्यात आले.

कोमुनिदाद मंडळाचे पदाधिकारी असे

न्हानू नाईक (अध्यक्ष), बाबाजी नाईक (उपाध्यक्ष), रवींद्रनाथ नाईक (मुखत्यार), उदय नाईक (उपमुखत्यार), संदीप नाईक (खजिनदार), गणेश नाईक (उपखजिनदार)