Goa High Court hearing in Luthra bail challenge case Dainik Gomantak
गोवा

Goa Luthra Case: लुथरांच्या जामिनाला सरकारकडून आव्हान; बर्चप्रकरणी खंडपीठात धाव: अजय गुप्तालाही नोटीस, 15 रोजी सुनावणी

Night Club Fire: हडफडे येथील प्रसिद्ध ‘बर्च बाय रोमिओ लेन’ नाईट क्लबमध्ये लागलेल्या भीषण आगीत २५ जणांचा होरपळून मृत्यू झाला होता.

दैनिक गोमन्तक डिजिटल

पणजी: हडफडे येथील प्रसिद्ध ‘बर्च बाय रोमिओ लेन’ नाईट क्लबमध्ये लागलेल्या भीषण आगीत २५ जणांचा होरपळून मृत्यू झाला होता. या प्रकरणातील मुख्य संशयित आणि नाईट क्लबचे संचालक सौरभ लुथरा, गौरव लुथरा आणि अजय गुप्ता यांना म्हापसा अतिरिक्त सत्र न्यायालयाने मंजूर केलेला जामीन रद्द करण्यासाठी सरकारने गोवा खंडपीठात धाव घेतली आहे.

सरकारने या जामीन आदेशाला आव्हान देणाऱ्या याचिका दाखल केल्या असून उच्च न्यायालयाने तिन्ही आरोपींना नोटीस बजावली आहे. तसेच या प्रकरणाची पुढील सुनावणी १५ जून रोजी ठेवण्यात आली आहे. हणजूण पोलिसांनी नोंदवलेल्या गुन्ह्याच्या सुनावणीवेळी सरकारतर्फे न्यायालयात हा गुन्हा अत्यंत गंभीर आणि संवेदनशील असल्याचा युक्तिवाद करण्यात आला. २५ निष्पाप नागरिकांचा बळी गेलेल्या दुर्घटनेतील मुख्य आरोपींना जामीन देणे अयोग्य असल्याचे सरकारने म्हटले आहे.

याशिवाय, अबकारी परवाना मिळवण्यासाठी म्हापसा पोलिसांच्या हद्दीतील बनावट ना-हरकत प्रमाणपत्र सादर केल्याचा आणखी एक गुन्हा या तिघांविरुद्ध दाखल आहे. या बनावट दस्तऐवज प्रकरणात लुथरा बंधूंना मिळालेला जामीन रद्द करण्यासाठी सरकार स्वतंत्र याचिका दाखल करणार असल्याचेही न्यायालयात स्पष्ट करण्यात आले.

याच गुन्ह्यात अजय गुप्ता याला मंजूर झालेल्या जामिनाविरोधातील याचिकेची सुनावणीदेखील १५ जून रोजी होणार आहे. दरम्यान, हडफडे येथील ‘बर्च बाय रोमिओ लेन’ नाईट क्लबमध्ये ६ डिसेंबर २०२५ च्या मध्यरात्री भीषण आग लागली होती. प्राथमिक तपासात अंतर्गत सजावटीसाठी चुकीच्या पद्धतीने वापरण्यात आलेल्या इलेक्ट्रिक फटाक्यांमुळे काही सेकंदांत आग संपूर्ण क्लबमध्ये पसरल्याचे समोर आले होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT