Mhapsa: कामरखाजन-म्हापसा येथे सर्व्हिस रस्त्यावर बांधकाम साहित्याचा राडारोडा (डेब्रिज) टाकल्याबद्दल म्हापसा पालिकेने कंत्राटदार रमेश पवार याला 25 हजारांचा दंड ठोठावला. शिवाय या रस्त्यावर टाकलेला हा कचरा उचलून नेण्यास त्यास भाग पाडले.
प्राप्त माहितीनुसार, ही घटना बुधवारी सायंकाळी चारच्या सुमारास घडली. पेडे-गिरी या सर्व्हिस रस्त्यावर कामरखाजन येथे बांधकाम साहित्य कचरा एका ट्रकमधून खाली केला जात असल्याचे म्हापसा स्थानिक रहिवाशांच्या निदर्शनास आले.
सदर प्रकारास त्यांनी हरकत घेत हा ट्रक (जीए 03 एन 4037) पकडून पालिका तसेच म्हापसा पोलिसांना पाचारण केले. नागरिकांमध्ये स्वच्छतेबाबत जागृती वाढलेली यातून दिसते. सार्वजनिक स्वच्छता राखली जावी म्हणून प्रशासनाकडून ही कारवाई लगेच करण्यात आली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
