शिरोडा: आपले आरोग्य निरोगी ठेवण्यासाठी इतर व्यायामाबरोबरच चालणे हा एक उत्तम व्यायाम आहे. ज्यामुळे अनेक रोगांवर आपण नियंत्रण ठेवू शकतो. मनुष्याने दररोज अर्धा तास चाललेच पाहिजे. आजच्या धकाधकीच्या जीवनात ताणतणाव, प्रदूषण याचा विळखा आपल्याभोवती पडलेला असून त्यावर ताबा मिळवणे गरजेचे आहे, असे प्रतिपादन जलस्रोत व सहकारमंत्री सुभाष शिरोडकर यांनी केले.

काराय-फोंडा येथे वॉकिंग ट्रॅकचे लोकार्पण केल्‍यानंतर शिरोडकर बोलत होते. यावेळी त्यांच्यासमवेत शिरोडा सरपंच अमित शिरोडकर, उपसरपंच साल्वासाव फर्नांडिस, पंचसदस्य मेघनाथ शिरोडकर, पल्लवी शिरोडकर, ग्राबिएल मास्कारेन्हस, डॅनी लुईस, सुहास नाईक, मेघा गावकर, शिरोड्याच्या माजी जिल्हा पंचायत सदस्या सुमती नाईक, जिल्हा पंचायत सदस्य नारायण कामत, सचिव डॉ. गौरी शिरोडकर आदी मान्‍यवर उपस्‍थित होते.