मिरामार समुद्र किनाऱ्यावरील मॅरियट रिसॉर्टजवळ शनिवारी एका बोटीमध्ये तांत्रिक बिघाड निर्माण झाल्याने ती समुद्रात बुडाली असून ही बोट नेमकी कुणाची? याबाबत अधिकृत माहिती मिळालेली नाही. ही बोट नौदलाची असल्याचा कयास असला तरी नौदलाकडून याबाबत अधिकृतरित्या काहीही सांगण्यात आलेले नाही.

सुरुवातीला बोट बुडण्याचे कारण समोर आलेले नव्हते, तसेच या घटनेत जीवितहानी झाली का, याबद्दलही माहिती हाती आली नव्हती. नव्याने मिळालेल्या माहितीनुसार मिरामार समुद्रकिनारी उलटलेली बोट ही नौदलाची असून त्या बोटीत नौदलाचे दोन जवान असल्याची माहिती मिळाली आहे.

नौदलाच्या गस्तीनौकेने घटनास्थळी धाव घेऊन त्या दोघांची सुटका केलीय. दरम्यान बोटीचे स्टेअरिंग तुटल्याने ती बुडाल्याचे सूत्रांकडून सांगण्यात आलेय