Naveli Electricity : सासष्टी, वेळ्ळी, मडगाव व नावेली मतदारसंघातील वीज पुरवठा सुधारणेसाठीच्या कामाचा शुभारंभ आज वीजमंत्री सुदिन ढवळीकर यांच्या हस्ते करण्यात आला.

ही कामे केंद्र सरकारच्या ‘आरडीएसएस’ (रिव्हेम्पड डिस्ट्रीब्युशन सेक्टर स्किम) पॅकेज वन योजने अंतर्गत हातात घेतलेली आहेत.

या योजने अंतर्गत राज्यातील वीज क्षेत्र सुधारणेसाठी केंद्राने ६८९ कोटींचा निधी उपलब्ध केल्याची माहिती वीजमंत्री सुदिन ढवळीकर यांनी आज दिली. त्यासाठी पंतप्रधान नरेंद्र मोदी तसेच केंद्रीय वीजमंत्री आर. के. सिंग यांचे त्यांनी आभार व्यक्त केले.

या योजने अंतर्गत कामासाठी केंद्र सरकार ६० टक्के तर राज्य सरकार ४० टक्के निधी उपलब्ध करणार असल्याची माहिती वीज मंत्र्यांनी दिली. आज ज्या कामांचा शुभारंभ केला त्यातून सासष्टीतील ८० टक्के मतदारसंघांचा समावेश आहे, असे ते म्हणाले.

नावेलीत सुविधा

जवळ जवळ ८७ कोटी रुपया खर्च करुन नावेली मतदारसंघात भूमिगत वीज वाहिन्या घातल्या जाणार आहेत. आमदार उल्हास तुयकेर निवडून आल्यापासुन या कामाच्या पुर्ततेसाठी प्रयत्नशील आहे.

वीज मंत्री सुदिन ढवळीकर नींनी सांगितले की या कामाला प्रशासकीय मंजुरी मिळाली असून निविदा प्रक्रिया सुरू आहे. दोन महिन्यांत या कामाला सुरवात होईल.