पणजी: संजना प्रभुगावकरने 48 व्या राष्ट्रीय ज्युनियर जलतरण स्पर्धेत चार रौप्य व एका ब्राँझसह एकूण पाच पदके जिंकली. ओडिशातील भुवनेश्वर येथे झालेल्या स्पर्धेत पदके जिंकणारी ती एकमेव गोमंतकीय जलतरणपटू ठरली. स्पर्धेचा बुधवारी समारोप झाला. (National Swimming: Sanjana Prabhugaonkar wins five medals in 48th National Junior Swimming Championships )

स्पर्धेच्या शेवटच्या दिवशी संजनाला ब्राँझपदक मिळाले. 15 ते 17 वर्षे वयोगटातील 100 मीटर फ्रीस्टाईल शर्यतीत तिने 1 मिनिट 00.62 सेकंद वेळ देत तिसरा क्रमांक मिळविला. या शर्यतीत कर्नाटकची निना व्यंकटेश (59.91 सेकंद) हिने सुवर्ण, तर महाराष्ट्राची आन्या वाला (1 मिनिट 00.44 सेकंद) हिने रौप्यपदक जिंकले.

गोव्याला स्पर्धेत एकूण पाच पदके मिळाली, ती सर्व संजनाने जिंकली. तिने स्पर्धेच्या पहिल्या दिवशी दोन रौप्यपदके प्राप्त केली. 200 मीटर फ्रीस्टाईल व 100 मीटर बॅकस्ट्रोकमध्ये तिला दुसरा क्रमांक मिळाला. नंतर 50 मीटर बॅकस्ट्रोक आणि 200 मीटर बॅकस्ट्रोक शर्यतीतही तिला रौप्यपदक मिळाले.

रंगीता एंटरप्राइजेस घोटाळ्यात तीन कर्मचाऱ्यांना अटक

गोव्यातील सुमारे अडीज हजार गुंतवणूकदाराना तब्बल 9.33 कोटींचा चुना लावणाऱ्या रंगीता एंटरप्राइजेस घोटाळ्यात काल आर्थिक गुन्हेगारी विभाग पोलिसांनी स्वीजल फेर्नांडिस, लिंबाजी लमाणी व मुईद मधवाणी या तीन कर्मचाऱ्यांना अटक केली.