'आम्ही अशी गाडी नाही की ज्यात पेट्रोल भरता येईल': Ben Stokes

Ben Stokes: इंग्लंडचा स्टार क्रिकेटर बेन स्टोक्सने एकदिवसीय आंतरराष्ट्रीय क्रिकेटला अलविदा केला आहे. दक्षिण आफ्रिकेविरुद्धच्या एकदिवसीय मालिकेपूर्वी स्टोक्सने घोषणा केली की, 'या मालिकेतील पहिला सामना आपल्या कारकिर्दीतील शेवटचा एकदिवसीय सामना असेल.'

दरम्यान, व्यस्त वेळापत्रकामुळे स्टोक्सने हा निर्णय घेतला. मात्र, दक्षिण आफ्रिकेविरुद्धचा (South Africa) हा सामना त्याच्यासाठी संस्मरणीय ठरला नाही. स्टोक्सला शानदार कामगिरी करता आली नाही आणि त्याच्या संघालाही पराभवाला सामोरे जावे लागले.

दुसरीकडे, एकदिवसीय सामन्यांमधून निवृत्ती घेण्याबाबत स्टोक्स म्हणाला, 'हे कधीच सोपे नव्हते. आता मी कसोटी संघाचा कर्णधार झालो आहे. मला माझ्या शरीराचीही काळजी घ्यावी लागणार आहे.'

स्टोक्स (Ben Stokes) पुढे म्हणाला, मला इंग्लंडसाठी (England) 140-150 कसोटी सामने खेळायचे आहेत. टी-20 क्रिकेटमध्ये (Cricket) तुम्हाला फक्त तीन-चार षटके टाकावी लागतात. मला आशा आहे की, जेव्हा मी 35-36 वर्षांचा होईन तेव्हा मला माझ्या निर्णयाचा अभिमान वाटेल.'