National Games Goa 2023: गोव्यात सुरू असलेल्या 37 व्या राष्ट्रीय क्रीडा स्पर्धेतील ट्रायथलॉन स्पर्धेतील दोन खेळाडूंना येथील मिरामार समुद्रकिनाऱ्यावर जेलीफिशने दंश केल्याची घटना घडली आहे.

तर अन्य एका ट्रायथलीटला या स्पर्धेदरम्यान फ्रॅक्चर झाल्याची माहिती दृष्टी मरीन या सरकारने नेमलेल्या खासगी जीवरक्षक संस्थेने दिली आहे.

एजन्सीच्या जीवरक्षकांनी मंगळवारी जेलीफिशने दंश झालेल्या दोन ऍथलीट्सवर प्रथमोपचार केले. या खेळाडुंबाबत अधिक माहिती देण्यात आलेली नाही.

दृष्टी मरीनने निवेदनात म्हटले आहे की, “जे जेलीफिशने दंश केलेल्या ठिकाणी व्हिनेगरच्या सहाय्याने जखमांवर उपचार करण्यात आले. जेलीफिशच्या डंखासह आणीबाणीच्या परिस्थितीत वापरण्यात येणारी अनेक साधने जीवरक्षक टॉवरमध्ये असतात.

दरम्यान, मणिपूरमधील आणखी एक 16 वर्षीय खेळाडूचा इव्हेंटदरम्यान धावण्याच्या सेगमेंटमध्ये पाय फ्रॅक्चर झाला होता. त्याच्यावरदेखील प्राथमिक उपचार करण्यात आले. नंतर त्याला जवळील सरकारी गोवा वैद्यकीय महाविद्यालय आणि रुग्णालयात हलवण्यात आले.

एजन्सीकडून एकूण 16 जीवरक्षकांना राष्ट्रीय खेळांसाठी दोन बीच सेफ्टी डॉग्स आणि दोन आर्टिफिशियल इंटेलिजन्सवर चालणारे रोबोट- ऑरस आणि ट्रायटन देखील तैनात करण्यात आले आहेत.

जे क्रीडा स्पर्धांदरम्यान समुद्रकिनाऱ्याची सुरक्षा आणि गर्दी नियंत्रण सुनिश्चित करण्यासाठी एकत्रितपणे काम करतात.