Mysterious Deaths In Goa: गोव्यात दोन दिवसांत तीन अनोळखी मृतदेह आढळून आले आहेत. रविवारी तांबडीसुर्ला आणि वेर्ला-काणका येथे अनोळखी मृतदेह सापडले त्यानंतर सोमवारी वाडे तळ्यात अनोळखी पुरुषाचा मृतदेह आढळून आला आहे. वास्को पोलीस घटनास्थळी दाखल झाले असून, अधिक तपास सुरु आहे.

रविवारी तांबडीसुर्ला येथील धबधब्याच्या पाण्यात एक अज्ञात व्यक्तीचा कुंजलेला व नग्न्न अवस्थेत मृतदेह आढळुन आला.  त्यानंतर वेर्ला-काणका बायपास रस्त्याच्या बाजूला असलेल्या ओहोळात एका अज्ञात पुरुषाचा मृतदेह आढळून आला.

रविवारी दोन घटना उघडकीस आल्यानंतर आता सोमवारी एक मृतदेह आढळ्यानंतर आता गोव्यात नक्की चाललंय काय असा प्रश्न उपस्थित केला जात आहे. दोन दिवसांत उघडकीस आलेल्या तीन घटनांमागील कारण अद्याप समोर आलेले नाही.

दरम्यान, तांबडीसुर्ला येथील धबधब्याच्या पाण्यात सापडलेला मृतदेह कर्नाटक राज्यातील असण्याची शक्यता पोलिसांनी व्यक्त केली आहे. मृतदेहाचे वय 30 ते 40 दरम्यान, असून कुळे पोलीस अधिक तपास करीत आहेत.