Myron Rodrigues Dipali Parab Goa

फातोर्डा: गोवा ते थेट आंतराष्ट्रीय स्थरावर मालमत्ता असलेल्या संशयित मायरान रॉड्रिग्स आणि त्याची पत्नी दीपाली परब यांच्यावर गोवा सरकारने मोठी कारवाई कलेची आहे. १३० कोटी रुपयांच्या घोटाळा प्रकरणात मायरान रॉड्रिग्स हाच प्रमुख संशयित आहे. गोवा सरकारकडून शुक्रवारी (दि. ११) करण्यात आलेल्या कारवाईत रॉड्रिग्स पती-पत्नीकडून एकूण ४१ लाखांहून अधिक बँकेतील ठेवी तसेच स्थावर मालमत्ता जप्त करण्यात आलीये.

गोवा सरकारच्या वित्त विभागाचे प्रधान सचिव डॉ. प्रणव भट यांनी जारी केलेल्या आदेशानुसार संशयितांची मालमत्ता जप्त करण्यात आली. मालमत्ता जप्त केलेल्या ठिकाणांमध्ये मुंबई आणि पुण्यासह गोव्यातील फातोर्डा, नुवे, कुठ्ठाळी अशा भागांचा समावेश आहे. या कारवाईत संशयितांची जळवळपास ४१ लाख रुपयांहून अधिक बँक रक्कम गोठवण्यात आलीय.

वित्त विभागाने केलेल्या या कारवाईत संशयित मायरान रॉड्रिग्स आणि त्याची पत्नी दीपाली परब यांच्याकडून फातोर्डा, नुवे, कुठ्ठाळी , लवासा,कल्याण, वडाळा येथील खाई फ्लॅट्स तसेच बंगले जप्त करण्यात आलेत.

शिवाय मायरान रॉड्रिक्सच्या बँक खात्यातून १,९४,७६० आणि पत्नीच्या खात्यातून ३९,३८,९०२ आणि ३५,२५,००० रक्कम जप्त करण्यात आलीये.

गोव्यातील ३८ गुंतवणूकदारांची केली फसवणूक

संशयित मायरान रॉड्रिग्स आणि त्याची पत्नी दीपाली परब यांच्यावर गोव्यातील एकूण ३८ गुंतवणूकदारांची फसवणूक केल्याचा आरोप आहे. वर्ष २०२३ मध्ये गोव्यातील आर्थिक गुन्हे शाखेने २५ कोटी रुपयांची फसवणूक केल्याचा आरोप नोंदवला होता. यानंतर झालेल्या तपासात संशयित मायरान रॉड्रिग्सने १३० कोटी रुपयांचा घोटाळा केल्याची बाब उघड झाली होती, तसेच त्याने आयडीलीक गोवन गेटवेज नावाच्या कंपनीत ३.२५ कोटी रुपये गुंतवल्याची माहिती मिळाली होती.