Murder Case: बेताळभाटी येथे काल संध्याकाळी एका तरुण डॉक्टरचा खून झाल्याची उघडकीस आली आहे. मृत डॉक्टरचे नाव निशांक भारत असे आहे. निशांकचा मृतदेह राहत्या घरीच हातपाय बांधलेल्या अवस्थेत सापडला आहे. हा खून नेमका कोणी आणि का केला याबद्दल कोलवा पोलिसांनी तपास सुरू केला आहे.

निशांक डॉक्टर मूळ बिहारचा असून नुवे येथील आय क्लिनिक येथे कामाला होता. मंगळवारपासून त्याचा संपर्क होत नव्हता.

काल सायंकाळी त्याच्याकडे काम करणाऱ्या सफाई कामगाराने घरात येऊन पाहणी केली असता त्याच्या बेडरूममध्ये एका अडगळीच्या ठिकाणी हातपाय बांधलेल्या अवस्थेत मृतदेह आढळला.