मुळगाव येथील मंदिरातील फंडपेटी फोडल्याप्रकरणी डिचोली पोलिसांनी संशयित चोरट्यास मुद्देमालासह अटक केली आहे.
मुळगाव येथील श्री देव रवळनाथ महालक्ष्मी देवस्थानशी संलग्न असलेल्या शिरोडकर कुलस्वामिनी घुमटीतील फंडपेटी तोडून ती मंदिरापासून काही अंतरावर फोडून त्यातील रोख रक्कम लंपास करण्याची घटना घडली आहे.
याप्रकरणी देवस्थानचे अध्यक्ष राधाकृष्ण घोडगे यांनी शनिवारी डिचोली पोलिसात तक्रार दिल्यानंतर पोलिसांनी भादंसंच्या ४५४, ४५७ आणि ३८० कलमान्वये गुन्हा नोंद करून चौकशी सुरु केली.
या चोरी प्रकरणात मूळ कर्नाटक येथील आणि सध्या मुळगाव येथे राहणाऱ्या गुरेसाब बाबूसाब कलीमणी (वय-३५) या संशयित युवकाला पोलिसांनी अटक करून फंडपेटीतून चोरलेली रोख रक्कम तसेच फोडलेली फंडपेटी हस्तगत केली आहे.
याप्रकरणी डिचोलीच्या पोलिस उपअधीक्षकाचा ताबा असलेले जिवबा दळवी आणि पोलिस निरीक्षक दिनेश गडेकर यांच्या मार्गदर्शनाखाली पोलिस पथकाने तपासाला गती देऊन संशयित चोरट्यास अटक केली.
पोलिस उपनिरीक्षक विकेश हडफडकर यांच्या नेतृत्वाखाली पोलिस पथकाने ही कारवाई केली. या पथकात विशाल परब, प्रांजल वेलिंगकर आणि मयूर असुलकर या पोलिस कॉन्स्टेबलांचा समावेश होता. याप्रकरणी डिचोली पोलिस पुढील तपास करीत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.