Monsoon in Goa

पणजी: भारतीय हवामान खात्याने आज (सोमवार दि. 30 सप्टेंबर) रोजी राज्यात हलक्या ते माध्यम स्वरूपाच्या पावसाचा अंदाज वर्तवला आहे. गेल्या अनेक दिवसांपासून राज्यात वाढलेल्या पावसामुळे नागरिकांना दक्षता बाळगण्याचा इशारा देण्यात आला होता, मात्र हवामान खात्याच्या अंदाजानुसार राज्यात पुढील दोन दिवसांसाठी पावसाचा जोर आटोक्यात असण्याची शक्यता आहे. गेल्या अनेक महिन्यांपासून राज्यात सुरु असलेलं पावसाचं थैमान बऱ्यापैकी शांततेत थांबण्याची शक्यता आहे.

गेल्या आठवड्यात सप्टेंबर रोजी 92.1 मि.मी पावसाची नोंद झाली, त्यानंतर पुढील तीन दिवसांत 21.7 मि.मी, 15.2 मि.मी आणि 10.7 मि.मी पावसाची नोंद झाल्याने पाऊस बऱ्यापैकी आटोक्यात आल्याची संख्या उघड झाली होती.

काल रविवारी (दि. 29 सप्टेंबर) रोजी राज्यात सरासरी पाऊस फक्त 1.7 मि.मी होता आणि सर्व तालुक्यांच्या तुलनेत पेडण्यात सर्वाधिक म्हणजेच 10.4 मिमी पावसाची नोंद झाली. हवामान खात्याच्या अंदाजे आज राज्यात सकाळपासून धुकं असण्याची शक्यता आहे.