Cortalim News: कुठ्ठाळीत दूषित सांडपाणी सोडले सार्वजनिक गटारात! ‘त्या’ अपार्टमेंटवर कडक कारवाईचे आमदार वाझ यांचे निर्देश
Cortalim Melissa Green Valley Villa sewage Water Issue
कुठ्ठाळी: कुठ्ठाळी,चावडेर नावता येथील मेलिझा ग्रीन व्हॅली अपार्टमेंटमधील दूषित सांडपाणी सार्वजनिक गटारातून सोडल्याने येथे आरोग्यविषयक प्रश्न उपस्थित झाला आहे. हा प्रकार गेल्या अनेक महिन्यांपासून सुरू आहे. कुठ्ठाळीचे आमदार आंतोन वाझ यांनी कुठठाळी पंचायतीचे पंच ओलिंडा लोबो व मेल्बिनो वाझ यांच्यासह पाहणी केली व पंचायतीने दिलेली ‘आॅक्युपन्सी’ मागे घेण्याचे निर्देश दिले आहेत.
याबाबत चे सविस्तर वृत्त असे की, या मेलिझा ग्रीन व्हॅली अपार्टमेंट मध्ये प्रत्येकी आठ फ्लॅटचा समावेश असलेल्या पाच इमारती आहेत. या अपार्टमेंटच्या बिल्डरने सांडपाण्याचा निचरा होण्यासाठी व्यवस्था केली नसल्याने हे सांडपाणी सार्वजनिक गटारातून वाहत होते. याबाबत स्थानिक पंचायतीने अनेकदा पाहणी केली होती, शिवाय येथील सरकारी प्राथमिक आरोग्य केंद्रातील वैद्यकीय अधिकाऱ्यांसह पाहणी केली होती.
याच, दरम्यान येथील आणखी एक इमारत बांधण्यात आली असून यात पूर्ण काम न होताच तसेच कुणीही राहत नसतानाही भोगवटा दाखला दिला आहे. या प्रकारास आमदार आंतोन वाझ यांनी आक्षेप घेतला असून याबाबत योग्य निर्णय घेण्याचे निर्देश दिले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.