Money Laundering: गोवा राज्यातील जमीन हडपप्रकरणाच्या चौकशीत विशेष तपास पथकाला (एसआयटी) नवीन माहिती मिळाली आहे. जमिनी खरेदीसाठी अटक केलेल्या संशयितांनी झालेल्या पैशांचा व्यवहार परदेशात झाल्याचे समोर आले आहे.

त्यामुळे या आर्थिक व्यवहाराचा दस्तावेज सक्तवसुली संचालनालयाकडे (ईडी) पाठवून त्यामध्ये ‘मनी लाँडरिंग’ची चौकशी करण्याची विनंती ‘एसआयटी’ने केली आहे.

‘एसआयटी’ने अटक केलेल्या संशयितांचा अनेक गुन्ह्यांमध्ये समावेश आहे. त्यातील काही गुन्ह्यांमध्ये आर्थिक व्यवहाराचा संबंध येत असल्याने त्याचे क्षेत्र गोव्याबाहेर असल्याने त्याची चौकशी ईडी करू शकते.

तसेच, त्यामुळे या प्रकरणांच्या चौकशीसाठी ईडीची मदत घेण्यात येत आहे. या चौकशीतून झालेल्या व्यवहाराचा पर्दाफाश होईल. याप्रकरणाची चौकशी सुरू करताच संशयितांना पुन्हा चौकशीसाठी ईडीकडून समन्स बजावले जाण्याची शक्यता आहे.