मोपा विमानतळ प्रवासी सेवा गोव्यासाठी सुरु होणार आहे. याबाबत माहिती देताना ओमान एअरलाईन्सने 1 जानेवारीपासून गोव्यात येणारी सर्व विमाने दाबोळीऐवजी मोपा विमानतळावर उतरवणार असल्याची घोषणा केली आहे. यावरुन बाणावलीचे आमदार व्हेंझी व्हिएगस यांनी नाराजी व्यक्त करत हा निर्णय बदलण्याची विनंती ओमान विमान कंपन्यांना पत्र देत केली आहे.

(MLA Venzy Viegas has requested Dabolim Airport should be used for Oman Air Service )

मिळालेल्या माहितीनुसार जानेवारीपासून एअरलाईन्स दाबोळीचा उड्डाणांसाठी वापर करणार नसून प्रवाशांच्या माहितीसाठी ओमान एअरलाईन्सने ही माहिती जाहीर केली आहे. यावर बाणावलीचे आमदार व्हेंझी व्हिएगस यांनी दाबोळी विमानतळाऐवजी मोपा विमानतळावर प्रवासी सेवा सुरु करावी. यापुर्वीचा निर्णय न बदलता आहे त्या प्रमाणे सुरु ठेवा असे म्हटले आहे.

आमदार व्हिएगस यांनी ओमान विमान कंपन्यांना याचे कारण देताना म्हटले आहे की, मोपा विमानतळ हे गोव्याच्या पर्यटन केंद्रापासून दोबोळीच्या तुलनेने अधिक दुर आहे. त्यामुळे ओमानच्या ग्राहकांची मोठी गैरसोय होण्याची शक्यता आहे.

मोपा विमानतळाचा निर्णय घेतल्यास ओमान एअरलाईनच्या प्रवास खर्चातही वाढ होऊ शकते, कारण इंधनासाठी 120 किलोमीटर अधिकचा प्रवास करावा लागेल. म्हणून हा निर्णय मागे घेत दाबोळी येथील गोवा आंतरराष्ट्रीय विमानतळावरून प्रवासी सेवा देणे सुरू ठेवावे. असे त्यांनी म्हटले आहे.