येत्या दोन दिवसात राज्यातील पंचायत निवडणूकांसाठीचे मतदान असल्याने सर्वच पक्ष सध्या हाय होल्टवर आहेत. आपल्या पक्षाचा मतदान टक्का वाढवण्यासाठी राज्यातील सर्वच नेते डावपेच आखत आहेत. यासाठी सर्व ताकद पणाला लावली जात आहेत. या पार्श्वभूमीवर नावेलीत ही प्रचाराला ही वेग आला आहे. यामूळे नावेलीचे भाजप आमदार उल्हास तुयेकर यांनी ही आज बैठक घेत मतदार संघातील सध्यस्थितीचा आढावा घेतला.

(MLA Ulhas Tuyekar addressed a press conference regarding Azadi ka Amrut Mohatsav in Navelim constituency)

या बैठकीत आमदार तुयेकर यांनी पक्षांतर्गत आत्मघातकी प्रवृत्तीला आळा घालण्यासाठी कडक शब्दात सुनावले. ते म्हणाले की, आमच्या पक्षाच्या काही कार्यकर्त्यांनी उमेदवारी अर्ज दाखल केले आहेत आणि पक्षाविरुद्ध काम करत आहेत. यांना मी सांगु इच्छीतो की, आम्ही याबाबत हायकमांडला कळवले आहे. आणि अशा प्रवृत्तीला कमी करण्यासाठी योग्यवेळीच उपाय योजले जातील असे ही ते म्हणाले.

यावेळी आमदार तुयेकर यांनी नावेली मतदारसंघातील 'आझादी का अमृत मोहत्सवा'च्या संदर्भात पत्रकार परिषदेला संबोधित केले. या वेळी ते म्हणाले की, आपण सर्व मिळून यानिमित्ताने बाईक रॅली, मशाल रॅली आणि इतर अनेक कार्यक्रम नावेलीममध्ये आयोजित करणार आहोत. असे ही त्यांनी सांगितले.

भाजपचे उमेदवार मोठ्या प्रमाणात विजयी होतील

यावेळी आमदार तुयेकर म्हणाले की, भाजपचे अनेक कार्यकर्ते पंचायत निवडणूक लढवत आहेत. आणि मला खात्री आहे की. त्यापैकी बहुतेक कार्यकर्ते ही निवडणूक जिंकतील. तसेच ज्यांना आम्ही थेट पाठिंबा दिला आहे. व जे पंचायत निवडणूक लढवत आहेत. ते सर्व खात्रीने सांगतो की यशस्वी होतील असे ही ते म्हणाले.

पुढे बोलताना म्हणाले की, काही ठिकाणी भाजपचे कार्यकर्ते एकमेकांशी लढत आहेत, अशा परिस्थितीत आम्ही तटस्थ भुमिका घेतली असून याबाबत पक्ष जी भुमिका घेईल त्यानुसार आम्ही निर्णय घेऊ असे ही उल्हास तुयेकर म्हणाले.