Mapusa Market Fire News: म्हापसा मार्केटमधील साळगावकर लेन मार्केटमधील जी. एम. टेक्सटाईल्स ते पी. आर. महाडेश्वर या दुकानांच्या छपरावरील भागात ईलेक्ट्रिकल केबल जळल्याने किरकोळ आग लागल्याची घटना घडली. अपघाताची माहिती मिळताच म्हापसा अग्निशामक दलाच्या जवानांनी घटनास्थळी दाखल होत आगीवर नियंत्रण मिळविले.

मिळालेल्या माहितीनुसार रविवारी दुपारी म्हापसा मार्केटमधील साळगावकर लेन मार्केटमधील जी. एम. टेक्सटाईल्स ते पी. आर. महाडेश्वर या दुकानांच्या छपरावरील भागात केबल जळल्याने धुराचे लोट निघू लागले.

याबातची माहिती म्हापसा अग्निशामक दलाला मिळाली व त्यांनी आगीवर नियंत्रण मिळविले. यावेळी आगीत 75 मिटर वायर जळून खाक झाली.