Minor Kidnapped And Sexually Assaulted: फोंडा पोलीस स्थानकाच्या हद्दीत एका 15 वर्षीय अल्पवयीन मुलीवर एका पोलिस शिपायाने लैंगिक अत्याचार केल्याची घटना ताजी असतानाच दक्षिण गोव्यात मायणा कुडतरी पोलिस स्थानकाच्या हद्दीत शेजाऱ्यानेच एका 14 वर्षीय मुलावर अनैसर्गिक लैंगिक अत्याचार केल्याची घटना उघडकीस आली आहे. या प्रकरणी पोलिसांनी एका 30 वर्षीय युवकाला अटक केली आहे. (Goa Crime)

मायणा कुडतरी पोलिसाकडून मिळालेल्या माहितीनुसार ही घटना 31 ऑक्टोबरच्या रात्रीला घडली. या घटनेतील पीडित संशयिताचा पूर्वीचा शेजारी असून त्याला तो मोटासायकलवरून रात्रीच्या वेळी एका निर्जन स्थळी घेऊन गेला. तिथे त्याने त्याला दारूतून गुंगीचे औषध पाजले. नंतर त्याच्यावर लैंगिक अत्याचार केला.

भीतीमुळे त्या मुलाने ही गोष्ट कुणालाही सांगितली नाही. मात्र नंतर त्याच्या गुदद्वारात दुखू लागल्याने त्याच्या आईने खोदून खोदून विचारल्यावर त्याने घडलेला प्रसंग सांगितला. त्यानंतर काल रात्री उशिरा पोलीस स्थानकावर तक्रार नोंदविण्यात आल्यावर संशयिताला अटक करण्यात आली.

संशयित आरोपी व्यवसायाने मेकॅनिक असून बोर्डा येथे त्याची गाड्या दुरूस्त करण्याची गॅरेज आहे. संशयित यापूर्वी पीडित मुलाच्या शेजारी राहात होता. त्याच ओळखीचा गैरफायदा उठवीत त्याने हे कृत्य केल्याचे सांगण्यात येते.