Babush Monserrate: पणजीचे आमदार आणि गोव्याचे महसूल मंत्री बाबुश मोन्सेरात यांनी पणजी पोलिस स्टेशन हल्ला प्रकरण खटल्यात कायमस्वरूपी अनुपस्थित राहण्याची मुभा द्यावी, अशी मागणी केली आहे.

तसा अर्ज त्यांनी मडगाव दक्षिण गोवा जिल्हा सत्र न्यायालयात केला आहे. पुढील आठवड्यात शुक्रवारी 13 ऑक्टोबर रोजी त्यावर सुनावणी होणार आहे.

दरम्यान, पणजी पोलिस ठाणे हल्ला प्रकरणाच आज, शुक्रवारी सुनावणी झाली. त्यावेळी मंत्री मोन्सेरात उपस्थित होते. न्यायाधीक्ष इर्शाद आगा यांच्या न्यायालयात या खटल्याची सुनावणी सुरू आहे.

न्यायालायने याआधी मोन्सेरात यांना 30 सप्टेंबरपर्यंत सुनावणीस अनुपस्थित राहण्याची मुभा दिली होती.

दरम्यान, यावेळी मोन्सेरात यांच्या पत्नी आणि ताळगावच्या आमदार जेनिफर मोन्सेरात अनुपस्थित होत्या. जेनिफर यांनीही अनुपस्थित राहण्याची मागणी केली होती, तथापि, ती न्यायालयाने फेटाळली होती. तथापि, त्यांचे वकील उपस्थित होते.