गोव्यात विधानसभा अधिवेशन सुरू होत असतानाच मोठ्या राजकीय हालचालींना वेग आला आहे. काँग्रेसमधील 9 विद्यमान आमदार हे भाजपमध्ये प्रवेश करणार असल्याच्या चर्चा सध्या रंगू लागल्या आहेत..

यासाठी भाजपचे केंद्रीय नेते गोव्यात येणार असल्याचे असल्यासही बोललं जात आहे. मात्र या सर्व गोष्टी गोवा काँग्रेसचे नेते मायकल लोबो यांनी खोडून काढल्या आहेत. त्यांनी सांगितल्याप्रमाणे या सर्व अफवा आहेत.

यामध्ये कोणत्याही प्रकारचा तथ्य नाही तर सध्या विधानसभा अधिवेशन सुरू होत असल्यामुळे या अफवा पसरवल्या जात आहेत जर असं काही असेल तर ते मी नक्की सर्वांना सांगेन, असं मत त्यांनी व्यक्त केला आहे त्यामुळे नेमकं तथ्य कोणत्या गोष्टी मध्ये आहे या संभ्रमात गोवेकर पडले आहेत.

दुसरीकडे, गोव्याचे काँग्रेस प्रभारी दिनेश गुंडू राव म्हणाले की, काल आमची गोव्यात कॉँग्रेसची बैठक झाली. काँग्रेस पक्षाचे सर्व आमदार शाबूत आहेत; पण भाजप आमच्या आमदारांना आमिष देण्याचा प्रयत्न करत आहे. पण सर्व आमदार शाबूत आहेत.