MLA Michael Lobo  Dainik Gomantak
गोवा

Goa Traffic Police: मायकल लोबो यांनी केले वाहतूक पोलिसांना लक्ष्य; तालांवच्या रूपाने पर्यटकांची सतावणूक

गृह खात्याने महसूल गोळा करण्यासाठी वाहतूक पोलिसांना मोठी रक्कम गोळा करण्याचे लक्ष्य (टार्गेट) देऊ नये: लोबो

दैनिक गोमन्तक

गृह खात्याने महसूल गोळा करण्यासाठी वाहतूक पोलिसांना मोठी रक्कम गोळा करण्याचे लक्ष्य (टार्गेट) देऊ नये. वाहतूक पोलिसांकडून पर्यटकांवर केल्या जाणाऱ्या दंडात्मक कारवाईने महसूल वाढणार नाही, अशा शब्दांत सत्ताधारी पक्षाचे आमदार मायकल लोबो यांनी आपल्याच सरकारला घरचा अहेर दिला. लोबो यांच्या विधानाला दुजोरा देत आमदार डॉ. चंद्रकांत शेट्ये यांनीही, अशा दंडात्मक कारवायांमुळे राज्याची प्रतिमा डागाळत असल्याचे सभागृहात सांगितले.

विधानसभेतील लक्षवेधीवरील चर्चेवेळी लोबो यांनी सांगितले की, गृह खात्याने महसूल वाढीसाठी वाहतूक पोलिसांच्या कारवाईचा आधार घेऊ नये. गोव्यात येणाऱ्या पर्यटकांना वाहतूक पोलिस अनेक ठिकाणी अडवतात, त्यांची सतावणूक करतात.

मग ते लोक आमच्याकडे येतात. पर्यटकांना अडवून त्यांच्यावर कारवाई करणे योग्य नाही. इतर कोणत्याही देशात जा, वाट चुकलात तर तेथील पोलिस तुम्हाला योग्य मार्गाने जाण्यासाठी सूचना करतात, ते पर्यटकांवर कारवाई करीत नाहीत.

त्यामुळे मुख्यमंत्र्यांनी या प्रकरणात लक्ष घालावे आणि वाहतूक पोलिसांना योग्य त्या सूचना कराव्यात, अशी मागणी त्यांनी केली.

‘एमएच’ टार्गेट

डॉ. शेट्ये म्हणाले की, ‘एमएच’ आणि ‘केआर’ नोंदणीकृत वाहनांवर बऱ्याचदा कारवाई होते. मला बेळगावच्या महापौरांचा फोन आला होता. कर्नाटकची नोंदणी असलेले वाहन पाहिल्यानंतर तुमचे पोलिस तपासणी नाक्यावर त्रास देतात, असेही ते विधानसभेत म्हणाले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Made Liquor Seized: गोवा बनावटीच्या दारूची तस्करी; सिंधुदुर्गातील इन्सुली चेकपोस्टवर 6.80 लाखांचा मुद्देमाल जप्त, दोघे ताब्यात

Lung Cancer: फुफ्फुसाच्या कर्करोगाचा तरुणाईला विळखा, 50 वर्षांखालील 21 टक्के लोकांना जखडलं; जाणून घ्या का वाढतोय धोका?

Goa Assembly Session: गोव्यात पर्यटक घटले! सरकारने आत्मचिंतन करावे- विरोधी पक्षनेते युरी आलेमाव

महाराष्ट्र, कर्नाटकात दारु तस्करी रोखण्यासाठी गोवा सरकारचा मोठा निर्णय, सीमेवर उभारणार तपासणी नाका Video

Goa Spa Scam: गोव्यात 'स्पा'च्या नावाखाली फसवणूक? पर्यटकाने सांगितला धक्कादायक अनुभव; सोशल मीडियावर पोस्ट व्हायरल!

SCROLL FOR NEXT