मोरजी येथील पीटर अल्‍वारिस मेमोरियल हायस्कूलच्या पालक-शिक्षक संघाची बैठक नुकतीच झाली. त्‍यात काही ठराव घेण्‍यात आले. जे दोन शिक्षक पूर्वी कंत्राटी पद्धतीवर घेतले होते, त्याच शिक्षकांना परत घ्या; अन्यथा १९ जुलैपासून आम्ही आमच्या मुलांसहित वर्गावर बहिष्कार टाकू, असा इशारा पालक-शिक्षक संघाचे अध्यक्ष प्रकाश बागकर यांनी विद्यार्थी आणि पालकांच्या उपस्थितीत दिला.
पीटर अल्‍वारिस मेमोरियल हायस्कूलमध्‍ये दोन शिक्षक कंत्राटी पद्धतीने घेतले होते. त्यांची मुदत संपल्यानंतर त्यांना मुदतवाढ देण्यात आली नाही.
कायद्यानुसार आम्ही नवीन दोन शिक्षक घेतले असल्याची माहिती हायस्कूलच्या चेअरमन श्रीमती परेरा यांनी दिली; तर पालक शिक्षक संघाचे अध्यक्ष प्रकाश बागकर व इतर पालकांचे म्हणणे आहे की पूर्वीचे शिक्षक आम्हांला हवेत, अन्यथा आम्ही विद्यार्थ्यांना शाळेत पाठवणार नाही.
आमची मागणी आम्ही लेखी स्वरूपात शिक्षण खात्याला कळवणार आहोत. पूर्वीचे जे शिक्षक होते, ते शिक्षक चांगल्या प्रकारे विद्यार्थ्यांना शिकवत आहेत आणि विद्यार्थीही प्रगती साधत आहेत. त्यांना कायम करावे.
प्रकाश बागकर, पालक-शिक्षक संघ अध्यक्ष
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
