Mhadai River: म्हादईप्रश्‍नी गोवा सरकारची सर्वोच्च न्यायालयाने दाखल करून घेतलेली विशेष याचिका अंतिम सुनावणीसाठी प्रलंबित आहे. गेल्या आठवड्यात त्यावर सुनावणी होणार असल्याने गोमंतकीयांचे लक्ष लागून राहिले होते.
मात्र, ती सर्वोच्च न्यायालयासमोर सुनावणीस न आल्याने गोमंतकीयांचा भ्रमनिरास झाला होता. ही याचिका आता 6 डिसेंबरला न्यायालयाच्या कामकाज पटलावर आहे. या याचिकेवरील निवाड्यावर राज्याचा पाणीवाटप प्रश्‍न सुटणार आहे. त्यामुळे या याचिकेवरील सुनावणीला महत्त्व प्राप्त झाले आहे.
विशेष म्हणजे, गोवा सरकारने म्हादईप्रश्‍नी सादर केलेली ही याचिका न्यायालयाने दाखल करून घेतली आहे. बुधवार वा गुरुवारी सर्वोच्च न्यायालयात अंतिम सुनावणीसाठी असलेल्या याचिकांवर निर्णय होतो. त्यानुसार गेल्या बुधवारी, गुरुवारी सुनावणीस न आलेली ही विशेष याचिका आता ६ किंवा ७ डिसेंबरला पुन्हा न्यायालयासमोर येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.