जमीनी अल्प किंमतीत सरकारने ताब्यात घेतल्या. त्या जमिनी आता खाजगी मोपा विमानतळ (Mopa International Airport)बांधकाम करणाऱ्या जीएमआला कंपनीच्या घशात घालण्याचे काम पेडणे मतदारासंघाचे आमदार तथा गोवा राज्याचे उपमुख्यमंञी बाबू आजगावकर (Babu Ajgaonkar) करीत आहेत. असा आरोप पेडणे मतदारसंघाचे मगो पक्षाचे नेते प्रवीण आर्लेकर (Pravin Arlekar) यांनी केला आहे. (MGP leader Pravin Arlekar claim deputy CM Babu Ajgaonkar on Mopa International Airport)

धारगळ येथे घेण्यात आलेली गृहनिर्माण वसाहत उभारण्यासाठी सरकारने घेतलेली सुमारे 1.68 लाख चौरस मीटर जमिन ही मोपा विमानतळ बांधकाम कंपनी जीएमआरला 60 वर्षांच्या करारावर देण्यासाठी करार करण्यात आला आहे. मुख्यमंत्री प्रमोद सावंत यात विशेष लक्ष घालून ही जमीन वाचवावी व गृहनिर्माण वसाहत उभारण्याची जमीन तशीच ठेवावी नाहीतर मगो पक्ष लोकांना घेऊन रस्त्यावर उतरून आंदोलन करणार असा इशारा पेडणे मतदारसंघाचे मगो पक्षाचे नेते प्रवीण आर्लेकर यांनी दिला.

दोनखांब धारगळ येथे सरकारने काही वर्षापूर्वी सरकारी वसाहत उभारण्यासाठी सुमारे 1.68 लाख जागा घेतली होती. ही जागा खाजगी कंपनीला देण्याचा घातलेला घाट कळल्यावर त्या ठिकाणी जाऊन आर्लेकर तसेच मगोचे पेडणे मतदारसंघाने अध्यक्ष उमेश तळवणेकर , माजी आमदार परशुराम कोटकर , आणि मगोच्या कार्यकर्त्यांनी जाऊन पाहणी केली.