पणजी: चोर्ला घाटातील वाहतुकीबाबत मोठी अपडेट समोर आली आहे. जांबोटी - चोर्ला - गोवा मार्गावर रात्रीपासून वाहतूक ठप्प झाली आहे. रस्त्यात एक लॉरी बंद पडली असून, दुसरी लॉरी रस्ता खचल्याने उलटली आहे. यामुळे मार्गावरील दोन्ही बाजुची वाहतूक पूर्णपणे बंद पडली आहे.

मिळालेल्या माहितीनुसार, जांबोटी - चोर्ला - गोवा मार्गावर एक मोठी लॉरी बंद पडली आहे. तर, त्याच ठिकाणी दुसरी लॉरी रस्ता खचल्याने उलटली आहे. यामुळे घाटातील वाहतूक पूर्णपणे ठप्प झाली आहे. रात्रीपासून रस्ता बंद असल्याने मार्गावर वाहनांच्या मोठ्या रांगा पाहायला मिळत आहेत. प्रशासनाच्या वतीने बंद पडलेली वाहने आणि उलटलेला ट्रक बाहेर काढण्याचे प्रयत्न सुरु आहेत.

मुळातच अरुंद असलेला चोर्ला घाटातील रस्ता दोन ट्रक रस्त्याच्या मधोमध अडकल्याने त्याचा मोठा परिणाम वाहतुकीवर झाला आहे. रात्रीपासून मार्गावर वाहनांच्या रांगा पाहायला मिळत आहेत. वाहनांसह प्रवासी एकाच ठिकाणी अडकून पडले आहेत. ट्रक मार्गातून हटविल्यानंतरच वाहतूक सुरळीत होण्याची शक्यता आहे. दरम्यान, सध्या ट्रक मार्गातून हटविण्यासाठी प्रयत्न सुरु आहेत.