सासष्टी: झुआरीनगर येथील एमईएस उच्च माध्यमिक विद्यालयाने 23 मार्च रोजी शहीद दिवस साजरा केला. प्राचार्य विश्र्वनाथ स्वार यांनी विद्यार्थ्यांना या दिवसाचे महत्व समजावून सांगितले. हा दिवस स्वातंत्र्यसैनिक भगत सिंग, शिवराम राजगुरू व सुखदेव थापर यांच्या स्मरणार्थ पाळला जातो. या कार्यक्रमाला एमईएस महाविद्यालयाच्या प्राचार्य डॉ. मनस्वी मनोज कामत प्रमुख पाहुण्या म्हणून उपसथित होत्या.

स्वातंत्र्यसैनिकानी ब्रिटीशांविरुद्ध दिलेल्या लढ्यामुळे देशाला स्वातंत्र्य मिळाले. त्यांच्या बलिदानामुळेच आपण देशात विकास करू शकलो, असे त्या म्हणाल्या.सूत्रसंचालन सुषमा कोचरेकर यांनी केले. अकरावीचे विद्यार्थी राधा सुतार व प्रतीक नाईक यानी भगत सिंग यांचे चित्र स्वतः चित्रीत करून सादर केले. उपप्राचार्य सुदेश प्रभुदेसाई यांनी आभार मानले.