Margao Garbage: याआधी सूचना देऊनही क्षमतेपेक्षा जास्त माल भरून घेऊन जाणारे मडगाव पालिकेचे सुक्या कचऱ्याचे ट्रक आज, गुरूवारी नेसाय येथे लोकांनी अडविले. शेवटी अतिरिक्त माल खाली करुन तो दुसऱ्या ट्रकमध्ये घालून नेण्याची तयारी दाखविल्यावरच हे ट्रक सोडण्यात आले.

मडगाव शहरातील प्लास्टिक आणि इतर सुका कचरा बेलिंग करण्यासाठीं नेसाय येथील औद्योगिक वसाहतीत नेण्यात येतो. मात्र यापूर्वी हा कचरा कुठलेही आवरण न घालता वाहून नेला जात असल्याने स्थानिकांनी हे ट्रक यापूर्वी अडविले होते.

या बद्दल माहिती देताना पर्यावरण चळवळीतील कार्यकर्ते फ्रेडी ट्रावासो यांनी सांगीतले, आम्ही या पूर्वी हे कचऱ्याचे ट्रक अडविल्यानंतर हा कचरा ट्रकावर प्लास्टिक आवरण घालून नेण्यात येणार असे आम्हाला आश्वासन देन्यात आले होते.

त्याप्रमाणे हे आवरण घालून ही वाहतूक केली जात होती. मात्र या ट्रकमध्ये क्षमतेपेक्षा जास्त कचरा घालून ही वाहतूक केली जात होती. त्यासाठीच आज हे ट्रक पुन्हा अडविण्यात आले.

शेवटी हा अतिरिक्त कचरा दुसऱ्या गाडीत घालून नेण्याची तयारी दाखविल्यावर हे ट्रक सोडण्यात आले असे ट्रावासो यांनी सांगितले.