Goa Temperature: मार्च महिन्याला सुरवात होऊन अद्याप पाच दिवसही होत नाहीत, तोपर्यंत गोव्यात मार्च महिन्यातील तापमानाचा आलेख वाढत चालला आहे. आत्तापर्यंतच्या मार्च महिन्यांमध्ये यंदाचा मार्च महिना हा सर्वाधिक उष्णतेचा असणार आहे, असे दिसते.

3 मार्च 2023 रोजी गोव्यात 37.8 अंश सेल्सियस तापमानाची नोंद झाली. आणि गेल्या अनेक वर्षात मार्च महिन्याच्या सुरवातीलाच असे जास्त तापमान पाहायला मिळत आहे.

गोव्याची राजधानी पणजी येथे 3 मार्च 2023 रोजी सायंकाळी साडेपाचच्या सुमारास 37.8 अंश सेल्सियस इतक्या तापमानाची नोंद झाली. हे तापमानदेखील सर्वसामान्य तापमानापेक्षा 5.2 अंश सेल्सियनसने जास्त असल्याचे भारतीय हवामान विभागाने (IMD) म्हटले आहे.

दरम्यान, 4 मार्चरोजी नॉर्थ गोव्यातील तापमान सर्वसामान्य तापमानापेक्षा 4 ते 6 अंश सेल्सियस जास्त असेल, असेही आयएमडीने म्हटले आहे.

गेल्या काही वर्षात पणजीतील मार्च महिन्यातील सर्वोच्च तापमान

तारीख तापमान (अंश सेल्यिससमध्ये)

• 12 मार्च 1979 -------------39

• 6 मार्च 2013 -------------- 38.7

• 15 मार्च 2005 ----------- 38.7

• 3 मार्च 1984 ------------- 38

• 8 मार्च 2013 ------------- 38

• 15 मार्च 1980 ------------ 37.9

• 4 मार्च 2009 -------------- 37.9

• 14 मार्च 2022 ------------ 37.8