Ration Shop News : म्हापसा शहरातील रेशन दुकानांमध्ये आता ओला तांदूळ मिळत असल्‍याने ग्राहकांनी संताप व्‍यक्त केला आहे. यामध्ये दुकानदारांचा दोष नाही तर ज्‍या गोदामांमध्‍ये तांदूळ ठेवला जातो तेथे तो भिजतो. तसाच तो विक्रीसाठी पाठवला जातो. याबाबत एका ग्राहक दीपक रेडकर यांनी सांगितले की, मी रेशनदुकानावरून आणलेला तांदूळ ओला निघाला. हा तांदूळ पूर्णपणे खराब झाला असून तो खाण्याच्‍याही लायकीचा राहिला नाही. त्‍यामुळे तो फेकून द्यावा लागला.

पुढे माहिती देताना रेडकर यांनी सांगितले की, ज्या गोदामात हा तांदूळ ठेवला जातो, तेथेच तो भिजतो. त्‍यानंतर स्‍वस्‍त धान्‍य दुकानांना त्‍याची तशीच विक्री केली जाते. दुकानदारांचाही नाईलाज असतो, ते तशीच विक्री करतात. त्‍याचा फटका ग्राहकांना बसतो.

दरम्‍यान, यापूर्वी रेशनदुकानांतून सडका तांदूळ देण्‍याचे प्रकरण राज्‍यात बरेच गाजले होते. आता ओला तांदूळ वितरित होत असल्‍याने ग्राहकांनी संताप व्‍यक्त केला आहे.