म्हापसा: नशामुक्त भारत अभियानांतर्गत अमली पदार्थांच्या तस्करीविरोधात धडक मोहीम राबवत म्हापसा पोलिसांनी एका युवकाला अटक करून त्याच्याकडून सुमारे २ लाख रुपये किमतीचा २ किलो गांजा जप्त केला.

विशाल कुमार मांझी (वय २२ वर्षे, मूळ झारखंड) असे अटक केलेल्या संशयिताचे नाव आहे. संशयितास न्यायालयात हजर केले असता त्याला ५ दिवसांची पोलिस कोठडी सुनावण्यात आली.

१६ सप्टेंबर रोजी रात्री मिळालेल्या गुप्त माहितीच्या आधारे म्हापसा येथील नवीन केटीसी बसस्थानकाच्या पार्किंग परिसरात ८.४५ ते १०.४५ च्या सुमारास हा छापा टाकण्यात आला. पोलिसांनी संशयास्पद हालचालींवरून विशाल कुमार याला ताब्यात घेतले.