चंद्रकांत शिरोडकर यांच्यावर आज दिनांक 28 ऑक्टोबर रोजी दुपारी चार वाजता म्हापसा बस स्टँडकडे जात असताना खुनी हल्ला केला आहे. दोघा दुचाकीस्वारांनी पाठलाग करत हल्ला केला असल्याची तक्रार म्हापसा पोलिसात दाखल झाली आहे.

(Mapusa Police 2 arrested for attempt to murder )

मिळाल्या माहितीनुसार कांदोळी येथील चंद्रकांत शिरोडकर हे आज दुपारी 4 वाजता म्हापसा येथील कदंबा बस स्टॅन्डकडे जात होते. यावेळी एका दुचाकीवरून आलेल्या दोघांनी चंद्रकांत शिरोडकर यांना रोखले आणि त्यांच्यावर चाकू हल्ला केला. तसेच त्यांना जीवे मारण्याची धमकी दिली आहे, अशी तक्रार ब्रिजेश शिरोडकर रा. कांदोळी यांनी म्हापसा पोलिसात दिले आहे.

दाखल झालेल्या तक्रारीनुसार म्हापसा पोलिसांनी तातडीने गुन्हा दाखल करत धमकी देत खुनी हल्ला करणाऱ्या दोघांचा शोध सुरु केला. याला काही तासातच यश मिळाल्याने म्हापसा पोलिसांनी दोघा संशयितांना या प्रकरणात अटक केली आहे. समीर पेडणेकर आणि सुरेश कुंभार अशी या दोन संशयितांची नावे आहेत.

समीर पेडणेकर आणि सुरेश कुंभार हे संशयित खोर्ली, बार्देश येथील रहिवाशी असल्याची माहिती समोर आली आहे. संशयितांवर पोलिसांनी कलम 341, 504, 307, 506(ii) अंतर्गत गुन्हे दाखल केले असून, आरोपींनी नेमका कोणत्या कारणावरुन हा हल्ला केला याचा तपास पोलिस घेत आहेत. अशी माहिती समोर आली आहे.