बार्देश: म्हापसा शहरातील उघडी ठेवण्यात आलेली गटारे पावसाळ्यात नागरिकांच्या जीवितास गंभीर धोका ठरत असल्याच्या तक्रारींच्या पार्श्वभूमीवर आंगड-म्हापसा परिसरात सुरू असलेल्या गटारांच्या कामांची आमदार तथा उपसभापती ज्योशुआ डिसोझा यांनी प्रत्यक्ष पाहणी केली व कामे लवकर पूर्ण करण्याचे निर्देश दिले.

यावेळी ज्योशुआ डिसोझा यांनी कामाच्या प्रगतीचा आढावा घेण्याबरोबरच स्थानिक रहिवासी, वाहनचालक आणि पादचाऱ्यांच्या सुरक्षिततेसाठी आवश्यक उपाययोजना प्रभावीपणे राबविल्या जात आहेत का याचीही त्यांनी खात्री केली.

पाहणीदरम्यान काही ठिकाणी गटारांचे भाग उघडेच ठेवण्यात आल्याचे निदर्शनास आले. त्यामुळे नागरिकांना मोठ्या प्रमाणात गैरसोयीचा सामना करावा लागत आहे.